Mancomunidad de Servicios Ultzanueta

ULTZANUETA, 2011. urtean, Ultzama, Anue eta Odietako Udalek eratutako zerbitzu-mankomunitatea da. Honen helburu nagusia, eskualdeko uraren ziklo osoa kudeatzea (hornidura eta saneamendua) izan zelarik.

Bere funtzio nagusiak, honako hauek dira:

1. Ur-instalazioen mantentze-lana: goiko instalazioetan (Arraitz-ko ur-biltegi nagusitik herri bakoitzeko ur-biltegiraino) eta beheko instalazioetan (herrietako ur-biltegietatik etxeko txorrotetaraino).
2. Saneamendu-instalazioen mantentze-lana.
3. Edateko uraren arazketa.
4. Egungo sareak zabaltzea.
5. Kontagailuen irakurketak.

Sortzearen arrazoi nagusia, herri bakoitzari modu desberdinean eragiten zioten 2 arazo konpontzea zen: kalitatea eta kantitatea.

Batetik, ez zen eskaintzen indarrean dagoen araudiak eskatzen duen ur kalitatea. Egoera horrek hainbat arazo sortzen zituen: ura uherra ateratzen zen euria ari zuenean, bakterio fekalak agertzen ziren edo kloroaren kontrolik gabeko balioak ematen ziren, besteak beste.

Bestalde, hornikuntzan eskasia zuten herriak zeuden.

Azpiegitura hori eraikitzearen bidez, uraren tratamendua puntu bakar batean zentralizatzea lortu zen, bertatik, gune osora banatuz. Horrela, kudeaketa bakar eta mankomunatu bat burutzen da, herri bakoitzak, bere aldetik, bermatu ezin duena bermatuz, bai kantitatean baita kalitatean ere. Gauzatutako azpiegitura, 4 zatitan banatzen da:

1. 5 iturburutik hartzea (3 Ultzaman eta 2 Lantzen) eta Arraitzen dauden iturburuko sistemetara eramatea.
2. Ura Tratatzeko Estazioan edangarri bihurtzea eta tratatutako ura gordailu orokor batean biltegiratzea, biak Arraitzen.
3. Ur tratatuaren banaketa, biltegi orokorretik herri bakoitzeko gordailuetara.
4. Erreforma txikiak jasan dituzten herri bakoitzeko gordailuetan, nahiz eraiki diren biltegi berrietan (herri bakoitzaren beharren arabera), ur tratatua biltegiratzea.

Batzar Orokorra

Mankomunitateko organo gorena

Lehendakaria: Martín Mª Picabea Aguirre

Ordezkariak:

Idazkaria: Alfonso Araujo Guardamino

Batzorde Iraunkorra

Mankomunitatea osatzen duten Udal bakoitzeko ordezkari banak osatzen dute, eta bertako Lehendakaria du buru.

Ordezkariak:

Idazkaria: Alfonso Araujo Guardamino

Ordenantzak

• Ur horniduraren, saneamenduaren eta Ultzanueta Mankomunitateak egiten dituen gainerako zerbitzu eta jardueren tasak arautzen dituen Ordenantza Fiskala eta Tarifen Eranskina.
  • Tasa eta prezio publikoen eguneratzea
• Administrazio elektronikoa arautzen duen Ordenantza.

Hartuneen Araudia

• Ultzanueta Zerbitzuen Mankomunitateko hornidura-saneamenduko hartune berriei buruzko arau eta jarraibide administratiboak..
  • 83. ALDIZKARIA – 2024ko apirilaren 23a
• Ultzanueta Zerbitzuen Mankomunitateko hornidura- eta saneamendu-sareetara konektatzeko eskatzen diren ezaugarri teknikoei buruzko araudia..

Estatutuak

• Ultzamako, Anueko eta Odietako Udalen “Ultzanueta” Zerbitzuen Mankomunitatearen Estatutuak.
  • Estatutuen 3. artikulua aldatzea
  • Estatutuen 18. artikulua aldatzea
• Ultzamako, Anueko eta Odietako Udalen “Ultzanueta” Zerbitzuen Mankomunitatearen Estatutuen Testu Bategina (2022/08/25)

Planak

• Iruzurraren aurkako neurrien plana Next Generation EB funtsak kudeatzeko